Spriocdháta don Chúrsa Aistriúchán i gCarna ag teannadh linn

0
763
Cúrsa Aistriúchán i gCarna - Galway Daily

Tá an spriocdháta don chúrsa Aistriúchán i gCarna ag teannadh linn.

Níl ach cúpla lá fágtha agat chun chur isteach ar an gcúrsa Aistriúchán a bheas ar siúl i gCarna. Tá Europus ag fógraíocht an Dioplóma Iarchéime/Teastas i nGaeilge Fheidhmeach agus Aistriúchán faoi láthair.

Tá an Dioplóma Iarchéime/Teastas i nGaeilge Fheidhmeach agus Aistriúchán á reáchtáil ag Europus i gcomhar le Údarás na Gaeltachta agus GMIT(faoi réir fhaomhadh Bhord UnaG).

Is comhlacht aistriúcháin agus comhairleoireachta teanga é Europus atá suite ar an gCeathrú Rua i gCo. na Gaillimhe. Cuireann an comhlacht seirbhísí aistriúcháin, comhairleoireachta, agus fotheidealóireachta ar fáil.

Beifear ag cur an chúrsa don Dioplóma Iarchéime/Teastas i nGaeilge Fheidhmeach agus Aistriúchán ar siúl ag tosú ar an 18ú Deireadh Fómhair. Beidh agallamh agus scrúdú scríofa ar iarrthóirí agus roghnú randamach i gcás an iomarca iarrthóirí. Cúrsa 6 mhí atá i gceist i gCarna i gConamara, agus níl aon táille i gceist.

Iarratais faoin 5:00pm an 28 Meán Fómhair 2018 chuig Europus, An Cheathrú Rua, Co. na Gaillimhe.

Gach eolas ó Europus 091 595492, eolas@europus.ie nó cliceáil anseo.